ساقی نامه ‘دن
---
ساقی مدد ایت که درد مندم
غم سلسله سینه پای بندم
---
غم دردنه حام می دوادر
تدبیر غم ایلمک روادر
---
سندن نه عنایت اولسه واقع
فکر ایتمه که بنده اوله ضایع
---
بن بر صدفم سن ابر نسیان
ویر قطره وآل در غلطان
---
سنسین خورشید و بن سیه خاک
ویر آتش و آل جواهر پاک
---
رحم ایت که غریب و درد مندم
بی مونس ویارو مستمندم
---
اول بر نیجه همدم موافق
یعنی شعراء روز سابق
---
تدریجله گلدیلر جهانه
تعظیمله اولدیلر روانه
---
دوران اولاری معظم ایتدی
هر دوربرین مکرم ایتدی
-
فضولی